Archive for March, 2007
March 4th, 2007 | 
Author: 
Ամէն տարի «Թռուցիկներու Փառատօն» մը կը սարքեն, Հնդկաստանի Ահմէտապատ քաղաքին մէջ:
Աշխարհի չորս ծագերէնտ մրցորդներ կ’ուգան ու մրցումին մաս կը կազմեն:
Փառատօնը կը տեւէ չորս օր: Կը կարծուի, թէ թռուցիկը առաջին անգամ շինած է Չնացի մը: Որպէսզի իր գլխարկը զօրաւոր հովէն չթռի ու չկորսուիտ գլխարկին անցուցած է չուաններ:
Posted in 
Չնաստանի «Ֆուշուն» անուն ծովային ընդունարանին մէջ երկու դլփիններ իրենց սահմանը շրջապատող կերպնկալ (բլասթիկ) կտորները կլլեցին:
Անասնաբուժներ գործողութեամբ հանել ուզեցին, բայց չյաջողեցան: Որովհետեւ դլբիններուն ստամոքսը կը կծկուէր եւ թոյլ չէր տար գործիքներուն աշխատութեան: Բժիշկները օգնութիւն խնդրեցին աշխարհի ամենաբարձր հասակին տէրը (2.36 Մ) եղող «Պաօ Վիշու»էն:
Պաօ Վիշուին թեւերն ալ ունէր 1.06 Մ երկարութիւն:
Դլբիններուն բերանները բացին, վերի եւ վարի կզակները լաթերով լաւ մը կապեցին եւ Պաօ ն իր ձեռքը երկարեց անոնց ստամոքսին մէջ. յետոյ կրցաւ հանել բլասթիկի կտորները: Դլբինները երբ հանգստացան ջուրէն վեր ցատկելով իրենց երախտիքը յայտնեցին «Պաօ»ին:
«Քիւրլի» անուն մուկը, Աւստրալիոյ ջուրերուն մէջ երբ սահնակ կ’ընէր իր ընկերներէն «Հէրի» , «Շոբցիչ» եւ «Պիւնսն» ի հետ, ժողովուրդը զարմանքի մատնեց:
Մուկերուն տէրը Շայն Վիլմորդ իր տան լականին մէջ կրթած ու դաստիարակած էր զանոնք:
Միջազգզյին Անջրպէտի Կայանին մէջ տիեզերագնացներ (ասթրօնօթ), Նոր տարին դիմաւորեցին 16 անգամ: Պատճառն այն էր որ, Կայանը օրուայ մը մէջ 16 անգամ շրջան կ’ընէր աշխարհի շուրջ:
Անգլիացի ընտանիքի մը տան մէջ հրդեհ մը կը ծագի: Հրդեհին պատճառը շատ հետաքրքրական էր:Անոնք ունէին ագուարիում մը, որուն մէջ երբ ձուկերը կը ցատկռտէին, ջուրի կաթիլները թրջեցին ելեկտրական կազմածը եւ բոցեր արձակուեցաւ , որու հետեւանքով կարասիները բռնկեցան…:
Գիտէ՞ք թէ շուն մը իր տիրոջ առողջութեան ի՞նչպէս կը նպաստէ. Երբ ամէն օր իր տէրը, շունը պտոյտի կը տանի՝ ամբողջ տարին 1072 Քմ ճամբայ կը կտրէ: Իսկտ եթէ իր տէրը 365 օր մարզանք ընէր, միմիայն 700 Քմ ճամբայ կտրած պիտի ըլլար:
Անգլիացի գիտնականներուն համաձայն,պէտք է սնանինք առատ բանջարեղէն եւ պտուղով որպէսզի ունենանք՝ առողջ ուղեղ եւ առողջ մարմին մը: Երբ կ’ուտենք, ընկոյզ, կաղին,խնձոր,ծաղկակաղամբ,ոլոռն եւայլն մեր յիշողութիւնը կը զօրանայ:
«Լորիս», կապիկներու ընտանիքէն տեսակ մըն է, անոր ցեղը օր ըստ օրէ կ’ոչնչանայ: Անգլիոյ «Կենդանագիտութեան Յանձնախումբը» այս տեսակի կապիկներուն ցեղը տեւականացնելու համար մեծ ջանք կը թափեն: Հնդկաստանի մէջ ապրող «Լորիս» ները ունին 25 սմ հասակ եւ կը կշռեն 350 կրամ:
Լոնտոնի մէջ կը գտնուի ծաղկեմշակութեան պարտէզ մը. հոն կը բուծանեն նաեւ «Թիթան Արում» անուն ծաղիկը: Այս ծաղիկը ունի 1.64 Մեթր բարձրութիւն . իր գարշելի հոտը կը սփռէ մօտ 800 Մեթր հեռաւորութեան:Գնդաձեւ տաքութեան պատճառով,այս տարի (2007) Փետրուարին խաբկանքի մատնուեցաւ եւ ծաղկեցաւ: Բնականին մէջ, ան կը ծաղկէր 6 կամ 9 տարին անգամ մը ամրան եղանակին:
Աւստրալիոյ Մէլպուրն քաղաքին մէջ, թէնիսի ողիմպիականի ընթացքին՝փոքրիկ «Ռոքքօ»ն, ծծակ մը բերնին, ռաքէթ մըն ալ ձեռքին՝մարզադաշտ իջաւ եւ թէնիսի ելոյթ մը ունեցաւ: Իր բացառիկ յատկութիւնը գնահատուեցաւ հանդիսականներուն երկար ծափերովը:
Համբաւաւոր որսորդ «Սթէվէ Իրվին» կը կրթէր կոկորդիլոսները: 2006’ի Սեպտեմբերին՝ երբ ծովուն մէջ վաւերական աշխատանք (Պէլկէսէլ) կը տանէր, վաթօզ մը զինքը խայթեց ու թունաւորեց:Սթէվէ ի դարմանումը անկարելի եղաւ եւ ան մահացաւ խոր ցաւերու մէջ:
Սթէվէ Իրվին ի ութը տարեկան եղող աղջիկը «Պինտի», կ’ուզէ հետեւիլ իր հօրը ճամբէն: Անոր իրականացուցած ծրագիրները պիտի սփռուին Աւստրալիոյ Հեռատեսիլի կայանէն «Անտառի Աղջիկը Պինտի» վերնագրով: 
Անգլիոյ «Քոլէժ Օֆ Լոնտոն» Համալսարանի դասախօսներուն համաձայն՝ մարդոց քահ-քահի ձեւով խնդալը փոխանցիկ է: Մարդկային ուղեղը երբ իր մօտ կը լսէ քահ-քահը, նոյն ձայնը տալու համար վարկեանական շարժման կանցնի: Իսկ՝ Լացն ու ճիչը եւ յօրանջելը քահ-քահէն աւելի ուշ կը փոխանցէ :
« Պիլլ Պրուքս » անուն անգլիացիի մը տան ծխնելոյզէն ներս, ձուկ մը ինկաւ: Ձուկը ողջ էր. Պրուքս ձուկը ջուրով լեցուն ամանի մը մէջ դրաւ եւ զայն կերակրել սկսաւ հացի փշրանքով: Անունն ալ «Վանտա» դրաւ:Միջոց մը վ
երջ հասկցան, թէ մրտիմ մը զայն որսալէ յետոյ , փոխադրելու ատեն կտուցէն վար ձգած էր ակամայ:
Արժէքը Գիտնալ
Ամրան արձակուրդը կը մօտենար. Պօղոս կ’ուզէր ձագուկ շնիկ մը գնել: Ծնողքին յօժարութեամբ պարպեց գանձանակը. որուն մէջ հաւաքած էր երկուհարիւր …:
Ընտանի կենդանիներ վաճառող խանութէ մը ներս մտաւ եւ իր փափաքը յայտնեց վաճառորդին: Շատ սիրուն լակոտներ ցոյց տուին իրեն: Իւրաքանչիւրը կ’արժէր երեքհարիւր…: Անկիւն մը Պօղոս տեսաւ իր վիճակին լքուած լակոտ մը. մօտեցաւ անոր ու գրկեց զայն: Ուժգին կը տրոփէր ձագուկին սիրտը. Ան սկսաւ լիզել Պօղոսին մատները:
-Վնասուած է անոր կոնքի ոսկորը, դարման չունի. եթէ կ’ուզես կրնաս տանիլ առանց փոխարէնը վճարելու. ըսաւ վաճառորդը:
-Առա՞նց վճարելու…: Ո՛չ պարոն ձեր այս առաջարկը չեմ ընդունիր. միւսներուն հաւասար գինով ծախու առնել կը խորհիմ զայն. Ըսաւ Պօղոս:
Վաճառորդը զարմացաւ.
- Լա՛ւ ուրեմն , անոր համար վճարէ երկուհարիւր… ու առ տար:
- Ես արդէն ունիմ միայն երկուհարիւր… ահաւասիկ կը յանձնեմ ձեզի. բայց մնացեալը պարտքս թո՛ղ ըլլայ, երկու ամիսէն կը վճարեմ անպայման:
Վաճառորդը իր ընկերոջ դառնալով փսփսաց .«Ի՞նչ կուզէ փաստել այս տղան չեմ հասկնար…»:
Պօղոս կիսկատար լսեց վաճառորդին այս խօսքերը. լակոտը գետին դրաւ յետոյ քակեց գօտին ու իջեցուց տափատը.
- Սիրելի պարոն, կը տեսնէ՞ք գործողութեանս կարերը, իմ ալ կոնքի ոսկորս վնասուած էր. այս պատճառով շատ լաւ կ’ըմբռնեմ անոր վիճակը եւ կ’ուզեմ միւսներուն հաւասար արժէքովը գնել զայն: